أكلة جديدة - اللوبيا بالسلق

بسم الله الرحمن الرحيم

=====




النهارده أقدم لكم أكله جديده خالص خالص عليكوا معتقدش حد عملها قبل كده
ورجاء مني تجربوها علشان فعلا طعمها ورائحتها
بتبقي خطيره


اللوبيا بالسلق
****

المقادير

- نصف كيلو لوبيا تغسل وتنقي وتوضع حتي تغمر بماء دافي
حتي يخرج ما بيها من (سموم ورش مبيدات) وتسلق وتجهز


- ثلاث حزمه سلق وحزمه واحده كسبره

- لتر واحد من الشوربه
( سواء شوربه فراخ أو لحمه )

ملح وفلفل - أربع فصوص ثوم


الطريقه


- نحضر الشوربه ونضعها في حله متوسطه وتسخن ثم نضع عليها
اللوبيا
- أثناء تسخين اللوبيا نحضر السلق والكسبره الخضرا ويقطعوا من الأعواد
ويفرموا بالتوستر ( أو أستعمال المفرمه اليدويه بتاعه الملوخيه )

- نحضر طاسه ونضع بها ملعقه ونصف زبده ( ويا سلام لو كانت زبده بلدي )
ونضع السلق ويحمر مع تقطيع الأربع فصوص الثوم فوق السلق المحمر قبل نزعه من علي النار

- ثم يوضع بحله اللوبيا المسخنه ويتبل ويغلي غلوه واحده وتغلق عليها النار وتصبح جاهزه للأكل مع أرز محمر أو أرز بالشعريه

قولولي رأيكم وبألف هنا وشفا